|
قوجا
يوردوموزو تبريز آزاد بيلي يوردلولاري تانيدى
تبريز آزاد بيلي
يوردونون آرمان آدلي اويرنجي تشكيلاتينين تشبوثاتي ايله اوچ گونلوك قوجا
يوردوم ييغينجاغي قورولدو0
بو ييغينجاغين آماجي
آذربايجان مدنيتيني اويرنجي لره تانيتديرماقدير. بو ييغينجاق سه شنبه
گونو خرداد آيينين 5 جي گونونده تبريز شهر شوراسي عضوو و بو تشكيلاتين
باشقاني دكتر حسينزاده دلير، رهبرليك مقامينين آزاد بيلي يوردونداكي
نماينده سي ، دكتر حسين فيض الهي وحيد و بير نيچه فرهنگي شخصيت لرين
حضورويلا باشلاندي0
دكتر حسين زاده دلير
بو ييغينجاقدا ديدي: تبريز شهري چوخ نظردن ايراندا اوستون شهرلردن دير0
آنجاق ، بو اوستونلوك گرك سبب اولماسين بيز چاليشماقدان ال اوزه ك0
دكتر حسين فيض الهي
وحيد بو ييغينجاغين باشقا دانيشاني دا آذربايجانين تاريخي سينيرلاريندان
سؤز آچدي0 اونون ديديينه گوره و ييغينجاقدا ايشتيراكچيلارا ويردگي سندلر
اساسيندا بوگونكو ارمنستان دا ييرلشن ايروان شهري بير مسلمان شهري اولوب
و مسلمانلارا عايد بير شهردير0
ايران رهبرينين
تبريزآزاد بيلي يوردونداكي نماينده سي ده تريبون آرخاسيندا آذربايجان
توركجه سيني چوخ سليس و ادبي ديله ياخين بير لهجه ايله دانيشدي0 اويرنجي
لر ايران رهبرينين نماينده سيني آذربايجان توركجه سيني چوخ گؤزل
دانيشماسينا گوره آلقيشلاديلار0
رهبرين نماينده سي
ديدي: ايندي بيزيم آذربايجانيميزين بير تيكه سي غير-آذربايجانليلار آياغي
آلتيندا قاليب0
آذربايجان
توپراقلارينين 25% نامحرم لر الينده دير و گركلي دير بو توپراقلار
آذربايجانا و آذربايجانليلارا گيري دونسون0
رهبر نماينده سي سوندا
آذربايجان توركجه سينده بير شعر اوخوماقلا سوزلرين قورتاردي0
بو ييغينجاق اوچ گون
سوره سينده علامه جعفري تالاريندا داوام ايده جك0 ديمك آرمان- دانشجو
تشكيلاتي بير ايل اونجه قاراباغ حاقيندا دا بير سرگي قورموشدو0
علي عباسي
|
