|
|
|
||||||||||
|
||||||||||
|
يئني چاغين يئنيلمه ين بالاسي
قارا قارقيش فصليندن يوخ آيري دوشموش اصليندن يوخ يئي چاغين يئنيلمه ين بالاسي سان وارليغيمين کيمليگيمين قالاسي سان
گؤزلرينين آرخاسيندا اولدوزلاري صفه دوزن گؤي قورشاغي قاناديندا اومودلارين باغين گزن آرزيلاري سونا کيمي دورو خياللاردا اوزن ياساق سئودا سئوگيسينده سايسيز غمه درده دؤزن دوشونجه نين باغچاسيندان يابان شخته سزاغيندا دونانلارين الين اوزن اؤزو اولوب اؤزون آشان دالغالانيب جوشوب داشان قورتولوشون شن هاواسين چالاسي سان يئني چاغين يئنيلمه ين بالاسي سان
سن اسگيميش دوشونجه نين ديوارلارين شوملادارکن آچيق اوفوقلر يارادان ئولچولرده يئني بويلار يارادارکن قورخو دوغان دورغونلوغون اؤرتوگون اوزدن سالار کن دالانلاردا دالدالانان قارانليغين پاسلي ياراغين آلار کن گله جگين گول چيچکلي گليشيني ديلدن ديله سالاسي سان يئني چاغين يئنيلمه ين بالاسي سان
سارسيلمايان قايالاردا آزادليغين آدين يازان وار اولمانين ياشيل بويلو باغلاريندا قيسيرليغين تاهين پوزان قوراقليقدا سئله دؤنن ياز نفسلي يئله دؤنن نغمه نغمه ديله گلن قوپوزلاردا تئله دؤنن دورو بولاغلار هاواسين باخيشيندا چالاسي سان يئني چاغين يئنيلمه ين بالاسي سان وارليغيمين کيمليگيمين قالاسي سان
اسماعيل جميلي |
|||||||||
|
گجيل سايتي
ركلاملاري وئريلن
سايتلارين محتواسيندان سوروملو دئييل. |
||||||||||
|
E-mail
: webmaster@gajil.20m.com |
||||||||||
سن يالواريش نسليندن
يوخ