Gajil,Gecil,گجيل
 

گجيل

 
شعر
يازيلار - مقاله لر
اسماعيل جميلينين شعرلري

يئه اوخوللار آچيلير

يئنه  اوخوللار      آچيلير

يادلاشماغي   اؤره تمه يه

يوردوموزون   بالالاري

اؤزگه ديلده    آغزين ايه

 

يئنه باشلير      گؤز اؤنونده

کيمليگيميز     تالان اولسون

فضولونون        نسيمي نين

چيچک دولو باغي سولسون

 

دوغما دادلي        يوخوموزو

ياد ايسته يير خواب ائيله سين

آينا بولاغلارين        سويون

بولانديريب      آب ائيله سين

 

باجي قارداش اونودولسون

عزيز آنام    مادر  اولسون

حيدر بابا      قان آغلاسين

شهريارين  گؤزو دولسون

 

خزان چاغي  باغلار کيمي

وارليغيميز   يارپاق توکور

اؤز ديليميز  سوسدورولور

اؤزگه ديلي  قولاق سؤکور

 

يئنه   اوخوللار       آچيلير

وارليغيميز    دوستاق اولا

 تالان اولان  يوردوموزدا

آنا ديليم          ياساق اولا

                                         اسماعيل جميلي

 

گجيل سايتي ركلاملاري وئريلن سايتلارين محتواسيندان سوروملو دئييل.
 بو ركلاملار ايراندا ، آذربايجان سايتلارين آرتيق راق تانيتديرماق اوچون بوردا ويريليب ديلار.



گجيل سايتي لينکي وئريلن سايت يا يازيلارين محتواسيندان سوروملو دئييل.

E-mail : webmaster@gajil.20m.com
Copyright © 2003-2004.