|
|
|
||||||||||
|
||||||||||
|
باياتيلار من عاشيق يانار اودا دوشموشم يا نار اودا نئجه کي من يانيرام گون گلر يانار اودا
من عاشيق گؤزلر آلا آغ اوزده گؤزلر آلا گؤزله يير ايري قاشين جانيمي گؤزلر آلا
قيزيل گؤللر سولماسين آلا گؤزلر دولماسين فلک قيسمت بؤلنده کيمسه غريب اولماسين
من عاشيق امانيم يوخ کيمسه يه گمانيم يوخ بنزه رم بير اووچويا اوخوم وار کمانيم يوخ
عزيزيم گول ايله باغا گيردين گول ايله مني سنله تانيرلار بولبولو ده گول ايله
عزيزيم آي گلر گون يئرينه آي گلر وارليه وا ر گلنده يوخسولادا واي گلر
من عاشيقم گول باري گول گتيرر گول باري بوراخ غمي غصه ني گولن اوزه گول باري
عزيزيم آزدي يار آزديرديلار آزدي يار کؤنول وئرديم جان وئرديم آلدي دئدي آزدي يار
عزيزيم يارام آز ياردان اولمور يارام آز يارا يالوارين دئيين سنه يادلار ياراماز
يازماميش يازيم قالدي چالماديم سازيم قالدي يئتمه دي قيشيم سونا گلمه دي يازيم قالدي
داغلاري قار آليبدير گؤرنه هامار آليبدير بولبول باغرين قان اولسون گول يئرين خار آليبدير
من عاشيقم ياز گلر يارا يازي ياز گلر باخما قيشدي بوراندي گون ده وار کي ياز گلر
داغ باشيندا قار قالار قيش قار اوسته قار قالار گول يئريني خار توتوب بولبول يئرين قارقالار
من عاشيق اوزه دوشر تئلرين اوزه دوشر سوووشار بئله قالماز ايشلرين اوزه دوشر
عزيزيم چن گؤزل داغا دوشر چن گؤزل قوزو قوربان نه لازيم سنه قوربان من گؤزل
قانادا وار اوزوم يار اوزومده وارگؤزوم يار قوربان قوزودان اولماز سنه قوربان اؤزوم يار
عزيزيم قاش گؤزل کيپريک گؤزل قاش گؤزل گؤزل گؤزه گؤز ده ير يامان گؤزدن قاش گؤزل
عزيزيم گؤزوم يار يولدا قاليب گؤزوم يار خبروئر سن گلن گون قوربان اولوم اؤزوم يار
عزيزيم سينا يار يار ياريني سينايار جان نه دير کي آل گؤتور قويما قلبيم سينا يار
اسماعيل
جميلي |
|||||||||
|
گجيل سايتي
ركلاملاري وئريلن
سايتلارين محتواسيندان سوروملو دئييل. |
||||||||||
|
E-mail
: webmaster@gajil.20m.com |
||||||||||