|
|
|
||||||||||
|
||||||||||
|
سئوگيدير گوللو چمنده بولبولون شور ونواسي سئوگيدير ياز سحرينده گولشنين لطف وصفاسي سئوگيدير
گول ياناقيندا شبنمين سالديقي اينجه تر يئري نازلي گؤزونده نرگيزين گيزلي اداسي سئوگيدير
سايه يه سروه ياسلانان سوسن وياسمن لرين آينا بولاغدان آلديغي نشو ونماسي سئوگيدير
سينه ده گيزلي سرلرين رمزيني ياره سؤيله ين ني ده سيزيلدايان غمين سحر صداسي سئوگيدير
ساقي سبويا سوز مي ئي سال يئنه وصل صحبتين سونسوز اولان عمروموزون رمز بقاسي سئوگيدير
سارما يارالي کؤنلومو سئوگي ياراسي توختاماز اسگي درين درديميزين وارسا دواسي سئوگيدير
سؤزلو سهندي سئير ائديب گل ساوالانه سازيله گؤر گؤزه ليم بو يئرلرين يازلي هاواسي سئوگيدير
نغمه له نيب دوشوب ديله حسن جميلي يوردومون شهرتي بيلمه يير زوال چونکي بناسي سئوگيدير اسماعيل جميلينين
|
|||||||||
|
گجيل سايتي
ركلاملاري وئريلن
سايتلارين محتواسيندان سوروملو دئييل. |
||||||||||
|
E-mail
: webmaster@gajil.20m.com |
||||||||||