|
|
|
||||||||||
|
||||||||||
|
نيسگيله دؤندو
عشقين اودو کؤنلومده کؤزه ردي کوله دؤندو گؤزلر گؤزومون ياشي يغيشدي سئله دؤندو
باغ باغ آچيلان گول چيچگيم سئوگي باغيندا هجراندا خزان اولدو سولوب باغ چؤله دؤندو
عشقين سازي کؤکلندي وفا سيزلار الينده راست اولدو مخالف بمي زيلد ن زيله دؤندو
باغلاندي اومود قاپلاري يار گئتدي گؤزومدن بختيم چوووروب اوز هر ايشيم مشگله دؤندو
سئوداي محبّتده زيان اولدو جوانليق جان نقدي بو بازارده الدن اله دؤندو
ترک ائتسه ده غم کؤنلوم ائوين غصه اليند ن يئرسيز قاليب آخر بو يخيق منزله دؤندو
جان قالمادي يار گلسه ائده م شوقيله قربان جان باغي اوزولدو قريلان بير تئله دؤندو
بس چکدي خزان درديني ديلسيز دلي عاشيق گول آدي گلنده اوخويان بولبوله دؤندو
وصلين باهاريندا قئزاران لاله ياناقلار غربت قوراغيندا سارالان سونبوله دؤندو
بير گونده دؤزه نمزديم اولام يارده ن آيري باخ منده اوزه يار گئده لي بير ايله دؤندو
غربت لره قاچديم کي خياليم قوشو آزسين آللانمادي آزديردي مني يار گيله دؤندو
فرصت واريکن آل قاداسين سئوگيلي يارين بيرده ن گؤره سن کئچدي عومورنيسگيله دؤندو اسماعيل جميلي
|
|||||||||
|
گجيل سايتي
ركلاملاري وئريلن
سايتلارين محتواسيندان سوروملو دئييل. |
||||||||||
|
E-mail
: webmaster@gajil.20m.com |
||||||||||