|
|
|
||||||||||
|
||||||||||
|
آرزو قاناديله گزن خياليم سوفره سينه قوناق اولور ائليمين توکنمز واريندان آز پاي آلسادا بال دادين داديزير شيرين ديليمين
باشيم ساوالان تک قارلي قرولو سهنديم سينمده آليشير يانير ائليمدن يوردومدان اوزاق اولسامدا شيرين خياليله روحوم جانلنير
سئوگي وورور ميضراب دينله نير کؤنول شرابلا ر سوزولور قدحلر دولور کمانلي قارمانلي تارلي قاواللي سازلي بالابانلي يغوا قورولور
سوزور کهليک کيمي ياشيل باش سونا نازلا بري باخير سئوگيلي جانان اوجا داغ باشيندان انيب دوزلره آليب باشين گئدير موغانا جيران
قارا قيز دارايير تئللرين يانا يار قاداسين آلان يئنه يار اولور اوچ تئللي دورد تئللي بئش تئللي دورنا آيريليق سونوندا وصالي بولور
چوبان باياتيسين چالير توتکده کرميندن يانيق باغريم قان اولور گرايلينين آهين دردين ديلقمين گؤزل لمه گؤزه چکير بير به بير
قيزيلدان ناللايير نبي بوز آتين خان چوبان ساراني سئللردن آلير آشيق جونون تويون توتور نيگارين کور اوغلو آت اوسته سازيني چالير
کؤنلوم شورا گلير ني لي نوالي بمدن زيله قالخير نغمه قاتاري زابولدا سيزلايان شکسته کؤنلوم کسمه يولدا دوروب گؤزله يير ياري
شاه نازي گؤرسه ده بسته نيگاريم يتيم سه گاهيمين سوزولور گؤزو هومايون هيجردن بيداد ائتسه ده گولور راست گله سي مخالف اوزو
چاهارگاه يول وئرير سما دا شمسه ماهور اياقلانسين آشسين حصارين حيراتي ضربينه حيران قيلسادا درير منصوريه آرازين بارين
ياشلا دولان گؤز و گولور آنامين چالير واغزاليني تاريم کمانيم سئوينجيله دولور کؤنول دنياسي جانيمدا جانلانير آذربايجانيم
اسماعيل
جميلي |
|||||||||
|
گجيل سايتي
ركلاملاري وئريلن
سايتلارين محتواسيندان سوروملو دئييل. |
||||||||||
|
E-mail
: webmaster@gajil.20m.com |
||||||||||