Gajil,Gecil,گجيل
 

گجيل

 
شعر
يازيلار - مقاله لر
اسماعيل جميلينين شعرلري


گؤزل وطن آذربايجان

 

هاردا اولسام کؤنلومده سن

سنسيز بير آن اولمارام من

هئچ ياشارمي جانسيز بدن

ائل اوباسي  قدير  بيلن

گؤزل وطن آذربايجان

 

گؤزه للري   دسته  دسته

اوجا بويلو     بويو بسته

مارال کيمي مغان اوسته

هريئرچيچک هر يئر چمن

گؤزل  وطن     آذربايجان

 

آرزوموزون دوراغي سان

سئوگيميزين اوجاغي سان

آزادليغين بايراغي سان

عصيرلره    سينه گرن

گؤزل وطن آذربايجان

 

داغلارينين بئلي  چنده

ياغيلاري   دوشن بنده

ساوالانين  سينه سينده

سينه داغلي  لاله  بيتن

گؤزل وطن آذربايجان

 

آراز آدلي  چايي  آخان

آيريليقدان يانيب ياخان

گله جگه آيدين  باخان

ائولادينا گؤزون تيکن

گؤزل وطن آذربايجان

 

نظامي وار   خاقاني وار

صائبي وار قطراني وار

شهرياري ، حيراني وار

هر بولبولو  نغمه دئين

گؤزل وطن آذربايجان

 

بابک لري   قلعه      قوران

اؤز يوردونا صاحب دوران

ياغي يادين  بوينون  بوران

ايگيرلره  اولان   مسکن

گؤزل وطن   آذربايجان

 

بير گون بيتر سايسيز  ياران

تخته چيخار   خان  ساوالان

اؤز ائلينه  سهند      ساطان

اولار  يئنه  بهره وئرن

گؤزل وطن  آذربايجان

 

بئشيگيمين  سؤزو سنده

اوجاغيمين کؤزو سنده

جميلين وار گؤزو سنده

حياتيما  نور    چيله ين

گؤزل وطن آذربايجان

 

 اسماعيل جميلي

 

گجيل سايتي ركلاملاري وئريلن سايتلارين محتواسيندان سوروملو دئييل.
 بو ركلاملار ايراندا ، آذربايجان سايتلارين آرتيق راق تانيتديرماق اوچون بوردا ويريليب ديلار.



گجيل سايتي لينکي وئريلن سايت يا يازيلارين محتواسيندان سوروملو دئييل.

E-mail : webmaster@gajil.20m.com
Copyright © 2003-2004.