|
|
|
||||||||||
|
||||||||||
|
جان آلسادا هر بير باخيشا يار اوزه گلمز يوزلر جان آلار بو قورو جانيم گؤزه گلمز
اغيار اؤزون گؤزده توتار يار گزه ر اونلا گؤزلر گؤزوم آغلار گؤزه ليم بير بيزه گلمز
کؤنلومده نه لر وار ديله گلسه م فلک آغلار عشقين چکيلر دردي دئيلمز ديله گلمز
بختيم قوشو ياد ائلده اسير اولدوغو گوندن هجران گئجه سي هي اوزايار گوندوزه گلمز
دنياني اودا چکسه ده ديمز داشا باشي زاهد قايئديب ايري يولوندان دوزه گلمز
چاتميش عواما جهل يوکون هي گله بيزلير شرم آيه سي بيلمم نيه بو اوزسوزه گلمز
دينين ائوي ويراندي بو ديندارلار اليندن ايمان ايله تزوير اوتوروب ديز ديزه گلمز
گوندن گونه آرتير غمي يوخسوللارين امّا شيشمان آغالار پارتلاسادا پرهيزه گلمز
بوش وعده لره سؤزلره بير کيمسه اينانمير بال زهره دئسنده آغيزا خوش مزه گلمز
يئرتيق ياماق ايلن يئنيلشمز متيل اولموش کوفلنسه سؤزون يورما اؤزون سؤز تزه گلمز
دوران دگيشير کيمسه قاباقيندا دورانماز آيدين گله جک اسگي قالان دؤنمزه گلمز
زورلا نئچه گون دوشسه ده ظاليم لره فرصت ظلم ايله عدالت باريشيب اوز اوزه گلمز
بير گون گله جک آرزي يازي ائل گوله جکدير دؤز يانميش اوره ک سويله مه کي تبريزه گلمز
اولسون گووه نين اؤز ائلينه يوردونا کؤنلوم ياددان ياراميز بس کي دريندير اوزه گلمز
سئودالي کؤنول سئوگيلي آزادليقي گؤزلور گلسه گؤرونر وصفي او يارين سؤزه گلمز
اسماعيل جميلي
|
|||||||||
|
گجيل سايتي
ركلاملاري وئريلن
سايتلارين محتواسيندان سوروملو دئييل. |
||||||||||
|
E-mail
: webmaster@gajil.20m.com |
||||||||||