|
|
|
||||||||||
|
||||||||||
|
چالين سازيم چالين سازيم سنله يئتر چوخوم آزيم چالين سئوگي دياريندا چيچکلنسين آرزي يازيم
يامان گوندور چالين سازيم سنسيز اليم يالين سازيم دينلن سسين ساز ائيله سين ائل اوبانين حالين سازيم
سسلن ائله داياق دوراق چنلي بئلده يغوا قوراق سئوگي دولو هاوالاردا غم غصّه نين بوينون بوراق
ميضراب قيلسين کرم يئنه چالسين يانيق کرم يئنه تئل تئل اولسون غم داغيميز درد اولماسين وره م يئنه
نه لر اولور سؤيله بير بير قارا يئللر هاردان اسير چک هارايين دونيا دويسون ديليم باغلي ائليم اسير
چال قارانليق ايتيب باتسين اؤزگه ليگي آليب آتسين گولگز دؤنسون توفارقانا عاشيق کؤنلوم وصله چاتسين
چال سئوگليم چال قاداسي اؤزه دوشسون جان ياراسي چال اوخشاسين کؤنلوموزو آذربايجان ائل هاواسي
اسماعيل جميلي |
|||||||||
|
گجيل سايتي
ركلاملاري وئريلن
سايتلارين محتواسيندان سوروملو دئييل. |
||||||||||
|
E-mail
: webmaster@gajil.20m.com |
||||||||||