|
|
|
||||||||||
|
||||||||||
|
بويلو بولودلار بويلانا بويلانا بويلو بولودلار دولغون دولغون يئردن اوزاق گزمه يين دخي آرتيق گؤزله مه يين دؤزمه يين سوتول سونبوللري اوشاقلار اؤزلور بادام چيچکلرين باغچالار گؤزلور دولو دولو دولانمايين اوزاقلاردا اؤزه کلري بير دوشونون دوزا قلاردا بير ايلدريم بير پاتلاييش بير گورولتو سونرا شديرقي بير ياغيش آردينجا پارلايان گونش گوي قورشاغي سوزه سيغماز الوان ناخيش داغلار دؤشو بولاغ بولاغ يام ياماجدا يابان گوللر چراغ چراغ ساغين سودون سينه نيزين دنيزلره قوناغ ائدين بو تورپاغي يويون حسرت ايزلريني قادا بلالي قوراغي اورک سيخان گؤرونتونو بوغونتونو ياغين آرزي ، اومود عطرين ايليق يئللر پايلاسينلار موشتولوغون آلسين نيسان کولکلري يوز ايللرين سوسوز قالان دوداغيندان آينالينين " ککليک اوتو" بولاغيندان شاخان اوفوقده ايلدريم دينمزليگين دوستاغيني سارسيتمادان نور تاتاري قوسون قارا قورخو هه نيلتيسين قوجا موغان بير دينلنسين دينله ديکجه سويون سسين حسرت بيتسين تورپاغ دويسون نازلي گونش تئل تئل ايشيق ساچلاريني سرسين اسگي داخمالارا ساوالانين اتگينده گنج اوزانلار جوقا قورسون ياشيل يوردون قوجا دامي ارک قالاسي دمير دوستاقدان قورتولسون
گولون گولسون کلبکلر گولون آچيلسين اوره کلر ياغين دويسون حسرت گؤزو سؤنسون اومودسوزلوق کوزو
بويلانا بويلانا بويلو بولودلار گؤزله مه يين دؤزمه يين سسسيز سؤز سوز گزمه يين
اسماعيل جميلي
|
|||||||||
|
گجيل سايتي
ركلاملاري وئريلن
سايتلارين محتواسيندان سوروملو دئييل. |
||||||||||
|
E-mail
: webmaster@gajil.20m.com |
||||||||||