|
|
آيريملارين ايچينده
آرزولارين دنيزينده يولداييق
ساحيلده بير، يئلکنده بير يئلده بير
يا اورتادا يا ساغدا يا سولداييق
اوموددا بير ديلکده بير ديلده بير
بير باغچادا آچار الوان گول-چيچک
ياشيل،قيرميز، ساري هره بير بزک
گؤزه‌لليک وار هره‌سينده بير اتک
گرک اولان چمنده بير، چؤلده بير
بولاغ قورور داملا داملا کؤچنده
دنلي-دنسيز اوراقلانار بيچينده
تاپ بيرليگي آيريملارين ايچينده
دوداق بيردير اولماسا دا ديلده بير
سن اؤزونو آيري سانسان سان‌گيلن
من دوياني ترسه آنسان آن‌گيلن
يالنيز منسيز بيز اولماريق قان‌گيلن
دامجيلاردير بير-بير اولور سئلده بير
آغير يونگول ايشين اوستو آچيقدير
قارا گونه کور دوشونجه ياسديقدير
تک‌باشينا باش ساخلاماق باسليقدير
اودا گلر مراغادان ايلده بير
اسماعيل جميلي
|
