اولوتانرينين آديله

تبريز ارك ينين دوزدليشي:

ائشديكلرميزه گوره بئله دئيلر كي تبريزين ارك قالاسين ؛مالاتيندا يومورتاو كول دن دوزلديلب بو قدر محكم اولماقي اوندان اولوب وبو گونه قدر دواملي دوروب.اونون دوزديليشينده گورده گوزل بيرناغيل واردي :
دئيلركي اركي دوزلدن زمان اوردا بير ايشلين واريميش كي يئرده تك جانينا او اوجاليقدا دورارلارا اوسته ايشلينلر كرپيج آتاردي !
بوايشلينين بو قدر گوجلي اولماقينين سببي بويدي كي اونون بيرآروادي واريدي كي آخشام باشلاري اري ايشدن دونندن سونرا اونا اوقدر حورمت ائدردي كي كيشينين بوتون يورگونلوقي جانيندان چيخاردي و اصلاً هيچ بير يورگونلوقبي بيلمزيدي. بئله ليكله اركين دووارلاري اوجالاركن ،گونلرين بير گوني علي شاه ؛وزيريله بيرليكده اركين ايشينه باش چكمك اوچون ارك گئدرلر.اوردا ايشه باخاركن شاهين گوزي كرپيج آتان ايشلينه دوشر و اونون بوقدر قوجلي اولدوقوندان تعجب لنيب،وزيريندن بو ايشين سيريني سوروشدي.وزيرده كي بولوردي اونون بو قدر گوجلي اولماقينين سببي اونون آروادينداندي ،سببين شاها سويلدي و دئدي كي :قيبله عالم ساغ اولسون سوزون دوزي ،دوزون سوزي بو كيشينين بير آروادي واردي كي ايشدن سونرا اونا اوقدر ياخشيليق ائدر كي اونون كونلونه گوره بو قدر ياخشي ايشلر .شاهين آغيزي سولانيب وزيرينه دئدي كي ايندي كي بونون بئله بير ياخشي آروادي وار نه ياخشي كي اوني آليم،چون بويله بيرآرواد اينانميرام دونيادا تايي اولموش اولا.
شاه وزيريني گوندردي تا آروادي راضي ائلسين تا اونونلا ائولنسين؛ وزيرده گئديب آروادين يانيا اوني راضي ائيلدي كي شاه ينان ائولنسين،آروادداسونجاق توشوب اوز كونلونده آرزيلار قورماقاباشلادي.
كئجه اري ائو گلدينده ،آرواد ارين هيچ حسابا قويماييب اصلا اونا قولوقدا ائيلمدي .كيشي بو ايشدن شاشيريب ،آرواديندان اونا ندن قولوق ائدمسيني سوروشدي .آرواددا اؤزون توتوب ريشخندينن دئدي:آ،كيشي نه زماناجان سنه حيژمت ائليجاقام بو گون باش وزير مني شاهين آروادي
اولماقيمي ايستدي!
كيشي گوردي كي اليندن هيچ بير ايش گلمير باشين قويوب ياتدي ؛سحر ايشه گئديب باشلادي ايشلميه اما نه قدر چاليشدي ايليه بيلمدي حتي بيركرپيج ده يوخاري اتسين اوستدكي بننا ائنيب ندن ايشليه بيلممگيني سوروشدي.كيشيده جوابيندا دئدي كي:سوزون دوزي ؛دوزون سوزي گئجه ائوه گئتديكدن سونرا بيلديم كي آرواد مندن ال اوزوب و داها ايستمير مندن ياشاسين اون گورده منيمده اصلن ال قولوم ايشلمگه گلميرقالميشام نه ائدم؟اوستا معمار كي چوخ هوشلي باشلي بير كيشيدي دئدي:هن!من سنه بير يول اورديب بو ايشي دوزلتريم،سن من دئديمي ائله اوندان سونرا گورسن كي آرواد سني بيرداها گويوب گئدمك ايستمز.
اوستامعمار اونا بير اويود وئريب يولا سالدي .كيشي ائوه دوندوكدن سونرا اوستاسي اوگتديگي ايشه اوزگويدي .
ائوه يئتيشركن دوز كئديب ماوالدا اوتوردي ،بير آز سونراسيدا ماوالدا كي لولئيئني گوتوروب سينديردي وب اشلادي آغلاماقاكي:اي واي لولئينيم سيندي بوندان سونرا من نيلمليم؟باشيما نه كول توكجاقام؟اي داد اي واي آرواد اوزوني ماوالا يئتيريب كيشيه دئدي:آ،كيشي نه هاي كوي ساليبسان بير لولئييندن اوتوري بوقدر اوزوي پريشان ائلمه مگر بوندان سوواي دابير آيري لولئين يوخدي؟كيشي آغليه آغليه ،دئدي:آخي بيلميرسن كي من بونئچه ايلي بولولئينه نجور عادت ائدميشيديم! بيليرديم اونا نقدر سو توكوب طهارت آلام !بوندان سونرا نجور اولار من آيري بيرلولئينه تاپيب اونا عادت ائدم.!
بو سوز ايله سينه آروادا اثر گويدي كي كيشيسنين نه دئديگيني آنلادي و دوشوندي كي من بو قدر ايللير بو كيشيله ياشاييب عمور سورموشم
بوندان سونرا نجور اولار من گئديب اوزگه كيشيله ،شاه دا اولموش اولسا نجور ياشياجاقام.؟ياخشيسي بودور كي ائله بوندان عمور سوروب ياشايام.
بئله ليكله آرواد عقلي باشينا گليب اريلن شيرين شيرين ياشايش سوردوروب ارك قالاسي تيكيلدي.
 

علي.ب.تورك