Gajil,Gecil,گجيل

گجيل

صحيفه لر:
آنا صحيفه ، وئبلاگ لار ، موسيقي-مديا ، كيتابخانا ، ويدئو كليپ ، مقاله لر ، آنلاين آذربايجانلي لار ، خبر ، ادبيات ، دانلودلار ، شخصيت لر ، درگي ، آنا ديلي مكتبي ، سياسي-اجتماعي توپلوملار ، عمومي ، گولوش ، بوتوو آذربايجان ، تورك لر ، اوشاقلار ، بيرليك گروپو ، كئچميش يازيلار ، فولكلور

شعر - ناغيل

يازيلار - مقاله لر

اسماعيل جميلينين شعرلري

سالام آ زيروه لر

سالام، گئديك لر، سالام آ داغلار

يئنه بوينونوزو قوجماق ايسته رم

آليب كوله ييني قولوما داغلار

زيروه دن زيروه يه اوچماق ايسته رم

چوخدان دير سورمورم آياق گميمي

دره يه سوسوزام، زيروه يه آجام

باتيريب بولودا داش قلميمي

ياغيشلي بير نغمه ياماجا يازيم...

سونرادا اوخويوم، سسيمي يازسين

قايا سينه سينه متين قايالار

تورپاق نغمه سينه قوي قولاق آسسين

تورپاقدا ان موحكم بيتن قايالار

زيروه يه قالخديقجا آدامي سانكي

گونش يويوندورور، نور داماريندا

آزاجيق اويودور، عطيرلي، ساكيت

سرين داغ مئه اينين قانادلاريندا

گورونر زيروه لر برابرينده

آغيل لار ماياكي(1) آغيل زيروه لر

گورونر زيروه لر برابرينده

بولوددوش داستانلار، ناغيل زيروه لر

سالام آ زيروه لر، سالام آ داغلار

يئنه بير قايادا گويه ردين مني

سالام، آ زيروه لر، سالام، آ داغلار

يئنه بير نغمه ليك كويره لدين مني...

1) ماياك: دنيز فانوسي

ممد آراز

گجيل سايتي ركلاملاري وئريلن سايتلارين محتواسيندان سوروملو دئييل.
بو ركلاملار ايراندا ، آذربايجان سايتلارين آرتيق راق تانيتديرماق اوچون بوردا ويريليب ديلار.

گجيل سايتي لينکي وئريلن سايت يا يازيلارين محتواسيندان سوروملو دئييل.