ياخشيدير

بير نفر اهل وفا مين بي وفادن ياخشيدير
بير صداقت اهلي مين اهل ريادن ياخشيدير

هانسي گل دور حسنده سندن گوزل دير سئوگيليم
هانسي بلبل عشقده مين بي نوادن ياخشيدير

بير داها خالين گوزه ليك آرتيرير رخسارينه
بير غلط سوز دير دئميش لر آغ قارادان ياخشيدير

گوزلرين صحراي چين آهولريندن دلفريب
عنبرين گيسوله رين مشك خطادن ياخشيدير

صحتي بيمار عشقين كعبه كويينده دير
اهل درده خاك راهين توتيادن ياخشيدير

مين بلا طوفان قوپسا ذره گلمز عينيمه
رخنه گورمه زهر بنا كيم ابتدادن ياخشيدير

جاهله تبليغ عرفان ائيله مك آسان دئييل
ديده خفاش ايچون ظلمت ضيادن ياخشيدير

((واحد)) انصافن دئسين تبريز ده دوستوم اعتماد
گنجه لرده هانسي شاعير بي ريادن ياخشيدير

واحد