وطن منه اوغول دئسه

بويروقلار سيغيشمايان اينادديم

چوخ قانادلار يوروب سالان قانادديم

اولدوزلارا بارماق سيلكيب، داش آتديم

نيظاملارا باش ايمه زدي نظاميم

قايالاري، هاچالاردي قودرتيم

بولودلاري پارچالاردي قودرتيم

شيمشكلري قيجالاردي قودرتيم

يورولاندا نور ميضرابلي اوزانيم

او سئلابلار سئله ليييم يالانميش

اوتن گونلر چالاغانميش، چالانميش

بيرجه گووره ك خاطيرلره قالانميش

اونودا كي، ها چئويريم، ها سانيم...

وطن منه اوغول دئسه نه درديم

خزه اولوب قاياسيندا بيترديم

بو تورپاقسيز هاردا، نه واخت، نه درديم

خزانيم دير، خزانيم دير، خزانيم

دونه نيمي دوشدن آسان دئييلم

دونه نيمه قبير قازان دئييلم

اوره ييم سيز كلمه يازان دئييلم

نه قدر كي، اوز اليمدي يازانيم

ممد آراز