|
وطنداش
وطنداش! نه گوزل سسله نير بو سوز
يعني بير وطنين اولاديييق بيز
آناميز عيني دير قارداشيق دئمك
من
سنه آرخايام سن منه كومك
وطنداش! نه گوزل سسله نير بو سوز
يعني ايكي جاندا بير اوه ييك بيز
گوجسوزوك، بيز هئچيك، سن ده، منده، تك
وطنه گووه نيب اولدوق وطنداش
منيم اوره گيمي قاناتسين گرك
سنين ديرناغينا ده ين چيرتما داش
وطنداش! نه گوزل سسله نير بو سوز
يعني بير اقليمده بويوموشوك بيز
سني ده، مني ده، بويودن وطن
سنه ده آنادير منه ده آنا
سنده جواب دئسن منده هر زمان
واحد آناميزين خوشبختليغينا
وطنداش! نه گوزل سسله نير بو سوز
يعني بير قايناقدان سو ايچميشيك بيز
او
سو قلبيميزده جوشدو، قاينادي
عيني بير آديله تانيتدي بيزي
وطنين عنواني وطنين آدي
بيزه خاطيرلاتدي وظيفه ميزي
وطنداش! نه گوزل سسله نير بو سوز
وطن ابدي دير گئدرگييك بيز
انسان قدرتلي دير اوز وطنينده
بيليريك، دونيايا بيز نييه گلديك
او
بيزي يارادان بيز اونا بنده
يارادان اوغروندا اولمه يه گلديك
(بختيار
وهاب زاده)
|
