سوكوت

دينمه دينمه سوكوتام توفانا دونسم اوزومم

بيرتيكه آغ بولوتام عمانا دونسم اوزومم

آنالار قارغيشا دونسه من او قارغيشلاردا

ائله جه بير جوجوغام كي قانا دونسم اوزومم

قوجا سردار خياليندا پوزولان معركه يم

قاييديب خاطيره دن مئيدانا دونسم اوزومم

عطيريمدن دولودور لحظه لر عشقين ائله جه

داغيديبدير مني كي هر يانا دونسم اوزومم

من سووام، من گونشم، باشدا ايشيقليقدي يولوم

باشدا هر عنوانا هر عنوانا دونسم اوزومم

محمدرضا لوايي