شهريارا آچيق مكتوب
يئنه جوشدي طبعيم منه ساز وئرين
قيشلا
يوخدير ايشيم، منه ياز وئرين
آياغي آلتينا، شهرياريمين
سالماق
ايچون قالي، پاي انداز وئرين
وقارلي داغ
كيمي باشي قاردايام
ترلانام
اوچموشام، سانما داردايام
من سنه
حسرتم، خيلي زماندير
گوزلريم
يول چكير، انتظاردايام
ايشق
افقلرده سرحددن گلير
فرح شاد
مژده دن، خبردن گلير
وطن
سعادتي، مردانه ليكدن
سعادتدن
گلير، هنردن گلير
داغلار
حسرت چكير بياض قار ايچون
باغلار
بويون بورور، شيرين نار ايچون
منيم سه
بورنومون اوجي گوينه يير
تبريزلي
قارداشيم، شهريار ايچون
تبريزين
يوللاري دارق- داراق دي
تبريزين
اطرافي باغچادي- باغدي
اويونور
تبريز كي اوغلو شهريار
اونون
شهرتيني اوجالداجاق دي
تبريزين
يوللاري دولان- دولان دي
صداقت
دونيادا أنجاق قالاندي
وصال حسرتي
له چيرپينير كونول
باشقا سوز
افسانه، قوري، يالان دي
ازل
ماياسيدير سئودا، خلقتين
عشقدير
چيراغي ابديتين
ايتيرمه
اومودون اي انسان اوغلي
وصالدي
آخيري، هجرين- فرقتين
حقيقت آرا،
گز افسانه لرده
زنجير زينت
اولور ديوانه لرده
آليشيب
يانماقي، مندن اويره نيب
شمعله
يانان، بوتون پروانه لرده
عدالت
چيراغي سونمه سين گره ك
حق بايراغي
يئره يئنمه سين گره ك
سيز اي ظلم
ائتمگه عادت ائدنلر
اورك سويوق
داشا دونمه سين گرك
عومور غملي
گئچر دل شاد اولماسا
شيرين قان
آغلايار، فرهاد اولماسا
سينديرسين
قلمي صنعتكار اگر
فكريني
يازماغا آزاد اولماسا
دويموشام
نشئه نين شعرين داديني
دونيا غملي
سيني، دونيا شاديني
اوزون او
شاعر كي خلقه حصر ائدر
تميز
الهاميني، استعداديني
تبريزده آز
قوناق قالميشام من
آزدا
اوندان الهام آلميشام من
حييف
شهريارلا چيخيب سئيرانا
آيلي گئجه
لره، دالماميشام من
دونيادا،
مردلره چاتماق گوزل دي
گول ايچره،
چمنده ياتماق گوزل دي
گوزل دي،
دوست- دوستا، يار- يارا يئتسه
فراقين
داشين آتماق گوزل دي
تبريز
باغلاريندا نوع- نوع اوزوم وار
تبريز
اوزومونده منيم گوزوم وار
باكي نين
باغلاري حسرت دير سنه
دئير كي:
اوغلوما چوخلي سوزوم وار
قارداشيم
خزرين ساحلينه گل
عاشيغام،
او طوطي بال ديلينه دگل
دئميرم
اوزاغا، غريب اولكه يه
اوز دوغما
يوردونا، اوز ائلينه گل
عدالت
دونيادا گره ك وار اولسون
حكمي هر
طرفده برقرار اولسون
ايسته رم
شرفلي بير مجلس قورام
سفره مين
باشيندا ((شهريار)) اولسون
اي فلك بو
هجران، بو فرقت نه دي؟
چكديرديگين
ظولوم، بو محنت نه دي؟
نه ايچون
گوروشه قلم چكميسن؟
دويمايير
سان وصال، محبت نه دي؟
جهاندا نه
كدر، نه ده غم اولسون
شادليق
مجلسينده دوستلار جم اولسون
دولتي
نئيله يير، اصيل صنعتكار
تك بير
كاغاذ، بير قلم اولسون
من يئنه
آرازين قيراغيندايام
عزيز
قارداشيمين سوراغيندايام
بوياندا،
اوياندا اولسام نه فرقي؟
من دوغما
آنامين قوجاغيندايام
بويوك
سعادت دي، مرادا يئتمه ك
ياشيل
چمنلرده گوي كيمي بيتمه ك
ان بويوك
شرافت، شاندي دونيادا
وطن
توپراغيني ترنم ائتمه ك
بالدان
شيرين كئچر روزگاريم منيم
هئچ خزان
بيلمه يير باهاريم منيم
اگر
گوروشسه م شهريارايله
اود دوتوب
أليشار مزاريم منيم
ايندي پيك
عصريدير، كمان نه لازيم
گونش
عاشيغي يم، دومان نه لازيم
انسانين
نصيبي وصال اولماسا
فرقت نيه
گره ك، هجران نه لازيم
گوزل دير
يوردومون باغچاسي- باغي
جواهردير
اونون داشي- توپراغي
وطن وقاري
نين بير مثالي دير
شاه داغي،
محتشم ساوالان داغي
يئنه
هاوالانير ترلان خياليم
وطن
توپراغيندان قوي الهام أليم
باخسين يا
شهريار قيز قالاسيندان
يا ارك دن،
تبريزه من نظر ساليم
ترك ائتسين
انساني كدر، بوسبوتون
بشر نصيبي
دي، وصال، توي- دوگون
حرمتيم وار
سنه ((حيدربابا)) ني
اوز آنا
ديلينده يازديغون ايچون
آلمايير،
آلماسين، ده ني لر سايا
يوردومون
شهرتي چاتاجاق أيا
يئتير
سلاميمي قارداش منيمده
ساوالان
داغينا، حيدربابايا
گز- دولان
ائللري ديار- ديار گل
سنه بو
توپراغين حرمتي وار گل
گوزله يير
يولوني شيروان، قاراباغ
((گوي
گوله)) گئتمه گه، آ شهريار گل
دويوشده
بركيده ك بدنيميزي
سئوه ك
چولوموزي، چمنيميزي
سن قوجا
تبريزدن، منده باكي دان
اوتك
يوردوموزي وطنيميزي
قيش كوچوب
گئدنده ايلك باهار گلير
پاييز
ياغيشي نين دالي قار گلير
داريخما اي
كونول، وقت اولور البت
دوغما باكي
سينا شهريار گلير
اميدله هر
زمان ياشادين اوزون
يوللاردا
حسرتله قالماسين گوزون
گوندر بو
شعريني قوجا تبريزه
شهريار
بيليركي، حكمي وار سوزون
محمد
راحيم
|
