|
شانلي آشيق
آي آشيق! آي هوسي باشدا، سازي الده آشيق!
ائل
غمي قلبيده، اودلو شعيرين ديلده آشيق!
قوي
اوره ك چيرپينا انسانلار اوچون ائلده آشيق!
چال
آشيق، قوي هنرين ائللره بللنسين آشيق!
هر بير
ائلده مدنيت باغي گوللنسين آشيق!
آخان
اولدوز كيمي يوكسك خيالي سوزدور اشيق!
قوشمالار اينجي سين ائل خزنه سينه دوزدور آشيق!
هنرين
دوغرو، سوزون دوغرو، يولون دوزدور آشيق!
دئه
آغير دير باشي حقين، دئه ((قئييم ديز)) دير آشيق!
داها
ايستي نفسين له كوره ني قيزدير آشيق!
شن
گونوزلر، قارا غملي گئجه لر سوزلو سازين
تويدا-
ياسدا اوده ييب ائل- اوبانين هر نيازين
بابالار قييهاسي دير گوجلو سسين گور آوازين
سازي
باس باغريوا ايمانلي اوزانلار ساياغي
سنسن
آي ائل آشيقي بو مدنيت داياغي
تئللري
سوزلو سازين، شانلي آنا تئللري دير
سوزلري، شن آنا لايلاسي، شيرين ديللري دير
بو
سازين سيزلاماسي، او آنا نيسگيل لري دير
آي
سينانميش آشيق، آي آلني آچيق، درد اوغولو!
دونيا
دوردوقجا ياشا مرد آنانين مرد اوغولو!
دولدوروب دور سازين نغمه لري ائل- اوباني
سن
تانيتدين ((ساراسي سئلده بوغولموش)) چوباني
جوان
ائتدين سازين ايله قوجا ((حيدربابا)) ني
مثال
اولدوقجا ((كوراوغلو)) خئيره، ((حمزه)) شره
بو
ووروشماق، غلبه، قوي هدف اولسون بشره
نه
دئمك دير سئوسين شانلي ائلي يا آناني؟
او
دئمك دير: سئوسين انساني، سونسوز جهاني
بير
قيزيل گول سينه ده، گوللري سئومه ك نشاني
سئو-
سئويل، گول تك آچيل، قوي باهار اولسون يئر اوزو
چال
محبت هاواسين بختيار اولسون يئر اوزو
نه قدر
حق نفسين وار، دئه بو ائللر سوزونو
حق
سئوه ر انساني اوي هم سوزونو، هم اوزونو
آيدين
ائت، ((ايواز)) ي تاپماقلا، ((كوراوغلو)) گوزونو
باش
اوجا شانلي آشيق! قوي اوجالانسين بو سسين
قوي
چئويرسين باهارا شاختاني ايستي نفسين
قوي
سنه سس وئره ((حاللاج)) سيله رك توزلو يايين
سس سسه
قوي وئره ائللر اوجالا حق هارايين
بير
بيريندن داها آيدين اولا هر گون، هر آيين
حق
سنين دير آي آشيق! عشقلي ايمانلي آشيق!
سوزلو
سازلا ياشا تاريخ بويو آي شانلي آشيق!
حاللاج اوغلو
|
