سالام آ زيروه لر

سالام، گديك لر، سالام آ داغلار

يئنه بوينونوزو قوجماق ايسته رم

آليب كوله ييني قولوما داغلار

زيروه دن زيروه يه اوچماق ايسته رم

چوخدان دير سورمورم آياق گميمي

دره يه سوسوزام، زيروه يه آجام

باتيريب بولودا داش قلميمي

ياغيشلي بير نغمه يازيم ياماجا

سونرا دا اوخويوم، سسيمي يازسين

قايا سينه سينه متين قايالار

تورپاق نغمه سينه قوي قولاق آسسين

تورپاغدا ان موحكم بيتن قايالار

زيروه يه قالخديقجا آدامي سانكي

گونش يويوندورور، نور داماريندا

آزاجيق اويودور، عطيرلي، ساكيت

سرين داغ مئه ينين قانادلاريندا

گورونور زيروه لر برابرينده

آغيل لار ماياكي آغيل زيروه لر

گورونر زيروه لر برابرينده

بولود دوش داستانلار، ناغيل زيروه لر

سالام آ زيروه لر، سالام آ داغلار

يئنه بير قايادا گويه ردين مني

سالام، آ زيروه لر، سالام آ داغلار

يئنه بير نغمه ليك كويره لدين مني...

مممد آراز