Gajil,Gecil,گجيل
 

گجيل

 
شعر - ناغيل
يازيلار - مقاله لر
اسماعيل جميلينين شعرلري
 

منيم ربابيم

 
 

دئمه سوسدي ربابيمين تئللري

هر پرده ده بير نواسي وار اونون

خبر وئرين، سئوينديرين ائللري

ايندي بئله يوز هاواسي وار اونون

 

منيم شعريم اولاد اولدي توپراغا

حيات وئردي هر سارالميش ياپراغا

نفسيمدن داغلار قالخدي آياغا

بو يئرلرده مين صداسي وار اونون

 

ترلان طبعيم هاوالانيب اوچسادا

شيمشك اولوب، بولوتلاردان گئچسه ده

فضالاردان سيزه صحبت ائتسه ده

وطن آدلي اوز يوواسي وار اونون

 

سئوديم قيزيل بايراغيني اي سحر!

خوشبخت اولور بو دنيادا سئونلر

حيات دئدي ياراتديغيم هر سحر

ائللر بيلير نه معناسي وار اونون

 

سينه مده دير وطنيمين حق سسي

سازيمدادير آزادليغين نغمه سي

سعادتدير اونون عشقي، هوسي

احتشاملي بير دنياسي وار اونون

 

اودلار يوردي، عهديميز وار ازلدن

بو ايلغاردان نه من دوندوم نه ده سن

آنا قلبين بير عماندير، اي وطن!

"وورغون" كيمي بير غواصي وار اونون

((صمد وورغون))

 

 

گجيل سايتي ركلاملاري وئريلن سايتلارين محتواسيندان سوروملو دئييل.
 بو ركلاملار ايراندا ، آذربايجان سايتلارين آرتيق راق تانيتديرماق اوچون بوردا ويريليب ديلار.


 


گجيل سايتي لينکي وئريلن سايت يا يازيلارين محتواسيندان سوروملو دئييل.

E-mail : webmaster@gajil.20m.com
Copyright © 2003-2004.