|
اولو بابكه بير
رياسيز سلام
بئزديم بو دجل مودعيلردن،
جانا گلديم
بابك قاپيسين گوردوم آچيق،
ديوانا گلديم
بيدادي گوروب، مرحوم آتام
ساكيت اوتوردو
ستار سيلاحين آلديم اله،
ميدانا گلديم
آمما بو سيلاح كوتله شيب
ايندي، دوشوب ايشدن
ايندي بو حكيم محضرينه
درمانا گلديم
فقرايله جهالت خوراسي
كونلومو داغلير
بابك آديني تا ائشيديب،
طوغيانا گلديم
ويرانه ده گيزلين قالار
هميشه دفينه
خازن كيمي گزديم، بو اوجا
ويرانا گلديم
دان اولدوزودور
تاريخيميزده اولو بابك
بو اولدوزو گوز گورمك
اوچون كيهانا گلديم
بابك! اوره ييم غوصصه و
غمدير، سينه وولكان
وولكاني گوتوردوم، يولا
دوشدوم قانا گلديم
افشين سني ساتدي، اوزو ده
نيفرته دوشدو
سن يوللاري آچدين بو قيزيل
ائيوانا گلديم
اوز كوركونو درويشلره
انعام وئرردين
مهجور ((وجي)) يم،
درگاهينا احسانا گلديم
كيويلي وجي
|
