قايالاردا يازيلاجاق

قاشلاريندا دويولان سس

گوزلرينده اويولان سس

سكوتوندا ياييلان سس

تاريخلره يازيلاجاق

اوره گينده اوله ن ديله ك

آچيلاجاق چيچك- چيچك

او يئنيلمز بير هئيكل تك

قايالاردا قازيلاجاق

كولونده ساخلاديغين كوز

كونلونده ايزله ديگين ايز

ديلينده دئمه ديگين سوز

گوزلريندن سزيله جك

آجيغيني بوغما يولداش

قوي آچيلسين ياواش- ياواش

گوزونده گيزله ديگين ياش

بولوتلاردان سوزوله جك

يئرلر منيم، گويلر منيم

آچيلدي الهام شهپريم

ماوي گويده ميصرعلريم

دورنالار تك دوزوله جك

الهاميم ترلان قاناددا

خياليم قارتال عناددا

دنيزلر آياغيم آلتدا

قيريشاجاق، بوزوله جك

((وقار)) ام يازديغيم بو سوز

عصرلرده اونودولماز

سوكوتومدا اوجالان سس

زيروه لره ايز اولاجاق

قياس نعمت پور زيريان((وقار))