|
اوزان هارادا؟
قوپوز داغ باشيندا قالميش اوزانسيز
مگر عمره سولماق واريميش خزانسيز
بويله غايب اولورمو انسان زامانسيز
ساز آغلار، سوز آغلار، اوزان هارادا؟
دولانا- دولانا آخان دره لر
سئوه ن كونوللري ياخان دره لر
ياشيل وادي لره باخان دره لر
قيش آغلار، گوز آغلار، اوزان هارادا؟
شنليكده اوزاني جانلا دينله رديك
قوپوزون سيررينا بيزلرده ائرديك
هيجرانلي سسينه بير عومور وئرديك
ساز آغلار، اوز آغلار، اوزان هارادا؟
بير عومور بويونجا اونو آراديم
ياد ائللرده دولاشديم آدديم- آدديم
سويله يين دوستلاريم من تاپاماديم
قلب آغلار، گوز آغلار، اوزان هارادا؟
رافت كوروكلو(توركيه)
|
