|
ميللتده ده بئله بير غيرت اولورموش
مشروطه چيلر مجبورا حاجي ميرزا حسن امام جمعه ني اخراج بلد
ائتديکلرينده امام جمعه نين زبان حالي:
من
بيلمز ايديم بختده بو نکبت اولورموش
عزت
دونوب آخير بئله بير ذلت اولورموش
چرخين
عجبا سيري ده مين بابت اولورموش
ميللت
آييليب طالب حريت اولورموش
ميللتده ده ياهو! بئله بير غيرت اولورموش
يالقيز نه دئييم گئتدي منيم ميللت اليمدن
توپراق باشيما! چيخدي بوتون عزت اليمدن
تبريزده گر اولموش ايديم جمعه امامي
گيزلين کي دئييل ياخشي بيلير مطلبي هامي
پول
ايله ساتين آلميش ايديم من بو مقامي
اويدورموشودوم کنديمه بالجمله عوامي
عبد
ائتميش ايديم شهرده هر پخته ني خامي
خود
من نه بيليم صبح دونوب شام اولاجاقميش
ايراندادا حريت اسلام اولاجاقميش
تدريجله سالميشديم اله بونجا دهاتي
بير
پارچا چورک نوکري ائتميشديم ائلاتي
آرتميش ايديم مزرعه ني ايلخيني آتي
رنجبر
ائيله ميشديم اوزومه چوللي ني تاتي
درکار
ايدي خيريمده عمومون حرکاتي
بيردن
بيره گئتدي هامي کر و فريم اي واي
چيخدي
بوشا ثروت قازانان اللريم اي واي
تبريزده راحت يئييب آسوده دويارديم
مومنلري هر تهمته اولسئيدي قويارديم
هر
آخماقي خامي قوزي جلدينده سويارديم
حق
سوز دئيه نين جانين آليب چشمين اويارديم
نئيله
رديم ائله رديم نئجه رنگ اولسا بويارديم
صد
حيف گوزل حکم شريعت تلف اولدي
قانون
اساسي دا بير انگل کلف اولدي
بيلمه
م آريلار منزيلينه کيم چوپ اوزاتدي
ايللرجه تغافلده ياتان خلقي اوياتدي
فتنه
آغاجين اکدي حکومت ياسا باتدي
من هر
چه چاليشديم کي کسه م قول بوداغ آتدي
اهلي
غرض اوز ايسته ديگي مطلبه چاتدي
احکام
شريعت داهي بير کار گوره ر مي؟
بوندان سورا بير بوغداني انبار گوره ر مي؟
لال
اولسا نولار ميرزا جوادين ديلي اي کاش
تا
آغزين آچيب ائيله دي هر گيزلي سوزي فاش
بير
يانده ييغيب ميرزا حسين باشينه يولداش
جغ-
مغ ائديب آخر باشيما سالديلار بير داش
تبريزده تا اولدي برانگيخته پرخاش
ايندي
حسب الخواهش اهل حسد اولديم
بير
دادرسيم اولمادي خارج بلد اولديم
ديوانه ائديبدير مني تبريز خيالي
مجلسده تواضه ده کي نيم خيز خيالي
مطبخ
اييي، سفره غمي، دهليز خيالي
صدري
دويونون بوي فرح بيز خيالي
قند
آب ايله پر کاسه ي لبريز خيالي
بيرده
او گوزل گونلري يارب گوره رم من؟
بو
خام خيالي ائديب آخر اوله رم من
يارب
نولا بيرده ائدم اول شهري زيارت
نازيله خرامه گله م آرخامده جماعت
گورديکده مني يول وئره بو اهل ولايت
تعظيم
ائده باش يئنديره قول باغلييا ميللت
بير
کيمسه ده بير سوز دئمه يه اولمايا جرئت
اعيانلاري دينديرسه م ائده فخر و مباهات
هيهات
و هيهات و هيهات و هيهات
گئت
يات و گئت يات و گئت يات و گئت يات
((صابير))
|
