|
|
|
||||||||||
|
||||||||||
|
وطن اوغروندا جان وئرنلره اتحاف اولونور: بيز دونيادان كوچوب گئتديك قانلي قاناد گويرچين تك جوت- جوت، تك- تك ماوي گويده اوچوب گئتديك چوخ آجيلي فاجعه لر بو ياريمچيق عومروموزده گوروب گئتديك وطن اوچون اولوب گئتديك ((بيزدن سونرا قالانلارا سلام اولسون)) آغ بيرچكلي آنالارين آغ ساققال لي بابالارين كورپه نازلي بالالارين گوزلريندن اوپوب گئتديك گله جه يين، دان اولدوزلو سحرلرين ناغيل دولو گئجه لرين، قوش قانادلي نغمه لرين كورپه لره بولوب گئتديك وطن اوچون اولوب گئتديك ((عشق اودونا يانانلارا سلام اولسون)) شهيد ليگين شربتيني ايچه ن زمان ابديت دونياسينا كوچه ن زمان بو دونيانين وارين يوخون، شان- شهرتين دردين غمين سعادتين قالانلارا وئريب گئتديك بيزدن سونرا كيم لر بيزي يادا سالار؟ آناميزين گوز ياشينا گوز ياشلارين كيم لر جالار؟ اوره ييني كيم لر ياخار؟ قوجا دونيا بيزسيز ياشار جوان ايكن ياشاماغين ياريسيندان دونوب گئتديك وطن اوچون اولوب گئتديك ((صاباح لارين نغمه لرين چالانلارا سلام اولسون)) بيزيم اوچون گونش باتدي، قاش قارالدي اوستوموزو دومان آلدي قارا كولك طوفان سالدي بير شمع كيمي سونوب گئتديك سونه- سونه سئوگيميزله اوره ك دولو درديميزله آغ بنيزله آزادليغين بينوره سين قوروب گئتديك وطن اوچون اولوب گئتديك ((بيزي يادا سالانلارا سلام اولسون)) اسماعيل محمد ثاني(ممدلي)
|
|||||||||
|
گجيل سايتي
ركلاملاري وئريلن
سايتلارين محتواسيندان سوروملو دئييل. |
||||||||||
|
E-mail
: webmaster@gajil.20m.com |
||||||||||