Gajil,Gecil,گجيل
 

گجيل

 
شعر - ناغيل
يازيلار - مقاله لر
اسماعيل جميلينين شعرلري


غريب سردارين مزاري اوسته

 

گورنده هرزمان توزلي قبريني                                           اولدورورغوصصه دن بوغيرت مني
گونشلي تاريخي اوخوياندامن                                               وفالي سرداريم آنيرام سني

اونومده خاطيره ن ورقله ننده                                              حقيقت دويوشه سسله ييرمني
اوخشاييرروحومي ميللي بيرشعور                                         خياليم سيرائدير آناگولشني

دوشنديم سردارين قبرينين اوسته                                         سوكه ديم سينه مي قانلي قبرينه
اوره گيم اوره گين حس ائدن زمان                                        گوزياشيم چيلندي شانلي قبرينه

گلميشم گوروشونه سوروشام حالين                                       يارالي اصلانيم نئجه ديرياران؟
زمانديرگورمورم سن كيمي انسان                                        آزادليق گونونين قورقوسون قوران

سعادت بايراغين قالديردين گويه                                        وولقانلي داغلاردا اود كيمي شاخدين
ان درين ظلمتي سن يارا يارا                                              استبدادقصرينين تملين ييخدين

ايلك دفعه سن ايدين عصيان توردين                                     شاهلارين تختيني لرزييه سالدين
دوغرادين مفتلين قارا دوستاقين                                          ائله افتخار مدالين آلدين

آو آيلي، اولدوزلي ايناملي يوللار                                          يازيليب ان درين قيزيل تاريخه
توزلانيراوفوقلار، تيتره يير زمان                                         سئير ائديرباغلاردا شبح لرينه

دينله سوزلريمي دينله سرداريم                                           قوي سنه سويله ييم اودلو بيرخبر
سنين ماتمينده سنين غمينده                                              هله ده ياسلي ديراوجا ذيروه لر

اوستوندن سووشوب آغيرخزانلار                                       سنه ايل دونومي دوتان اولمادي
ايللرديرشرفلي قبرينين اوسته                                            مردانه هئيكلين قوران اولمادي

سن ائلي بوراخيب گئدندن بري                                          آيريليق اودونايانير بوديار
باخيرلار يولوناائل اويماق بوتون                                        دويغولارسرسملي گوزلرانتظار

تبريزده مه اسير، خوي داگوي طوفان                                  ساوالان ياسلي دير، سهندآغلايير
داغلاردا دومان وارباغلاردا بوران                                      آرازين آخيشي اوره ك داغلايير

غم يئمه هئيكلين قوراجاق ائلين                                         بوتون شهرلرده بوتون كتلرده
هرعاشيق طوي توتوب سازچالاجاقدير                                 بوتون مجلسلرده داغدا دره ده

شرفلي مزارين ايتگين اولسادا                                          سانماكي ائل سني اونوداجاقدير
سنين پاك مقدس مردانه آدين                                            اينسانلارقلبينده ياشاياجاقدير

((بختيارنصرت))

 

گجيل سايتي ركلاملاري وئريلن سايتلارين محتواسيندان سوروملو دئييل.
 بو ركلاملار ايراندا ، آذربايجان سايتلارين آرتيق راق تانيتديرماق اوچون بوردا ويريليب ديلار.


 


گجيل سايتي لينکي وئريلن سايت يا يازيلارين محتواسيندان سوروملو دئييل.

E-mail : webmaster@gajil.20m.com
Copyright © 2003-2004.