غريبه دير

آراز آخير فرياد ائدير

كوره باخميش بالاجادير

اما يامان هاراي ليدير

هشيرليدير

آراز آخير جوشا- جوشا، داشا- داشا

قاققيلداشا- قاققيلداشا

سينه گرير گاه بو داشا، گاه او داشا

آراز آخير نريلده يه- نريلده يه

((من ده وارام، وارام!)) دئيه

آراز آخير، كوره چاتير

بيرله شيرلر

بوردا ايتير اونون آدي

سوندان سونا آخان چايا

كور دئديلر

آراز دئيه ن هئچ اولمادي

غريبه دير، غريبه دير!

بختيار وهاب زاده