Gajil,Gecil,گجيل
 

گجيل

 
شعر - ناغيل
يازيلار - مقاله لر
اسماعيل جميلينين شعرلري
 

قدريني بيلمز

فراقي چکمه ين عاشيق، وصالين قدريني بيلمز

جميله اولمايان واصيل، جمالين قدريني بيلمز

 

شب اسراده قوسينين ايکي نصف ائيله دي آيي

بو معجزدن اولان غافيل، هلالين قدريني بيلمز

 

دوداغين سلسبيليندن خبردار اولمايان جانسيز

اونون ماهييتي اود دور، زلالين قدريني بيلمز

 

مدور نقطه ي خالون، ببک دن عينينه قوندي

ببک سيز قالسين اول گوزکي بو خالين قدريني بيلمز

 

نهالون اعتداليندان، اوتانار سدره و طوبي

بو قدي بنزه دن سروه، نهالين قدريني بيلمز

 

سني سندن ديلر کونلوم، نه دونيانين زر وگنجين

کي اول مالي سئون جانسيز، بو مالين قدريني بيلمز

 

اوزوندور پرده آللاهين يميني، کعبه سي، بيتي

يميني بيلمميش هر کيم شمالين قدريني بيلمز

 

گونش ماه تماميندن زواله اوغراشور هر گون

نه دن شول آفتابي بي زوالين قدريني بيلمز

 

لب لعلون وصاليندان جدا اولماق منه دوشمز

بو ذوقي بيلمه ين صوفي، بو حالين قدريني بيلمز

 

"نسيمي" صوفي دگيشمز غموندن گئيديگي شالي

کي اول صوفي صفاسيزدور بو شالين قدريني بيلمز

 

نسيمي

 
 

گجيل سايتي ركلاملاري وئريلن سايتلارين محتواسيندان سوروملو دئييل.
 بو ركلاملار ايراندا ، آذربايجان سايتلارين آرتيق راق تانيتديرماق اوچون بوردا ويريليب ديلار.



گجيل سايتي لينکي وئريلن سايت يا يازيلارين محتواسيندان سوروملو دئييل.

E-mail : webmaster@gajil.20m.com
Copyright © 2003-2004.