|
هئچ داغي گورمه ميش سني گورموشم
آي قيزيل تورپاغلي((عئينالي)) م منيم
چوخداندير كونلومو سنه وئرميشم
آي گونش سوراغلي((عئينالي)) م منيم
زيروه
نه باخانلار ((زيروان)) ي گورور
آلووا تاپينان دوراني گورور
تاريخده اوياني، بوياني گورور
آي اودلو- اوجاقلي((عئينالي)) م منيم
سويومو
گوتوروب ((ال اوشوده ن)) دن
گئت ها گئت، گئتميشم ((باييندير)) ا من
مني
داغچي ائدن گوزليم سنسن
آي قوللو- بوداغلي ((عئينالي))م منيم
بال
كيمي سويو وار ((ترلان بولاغ)) ين
((آجي)) نين اوستونده((كهليك بولاغ))ين
بولاقلار آرتيرير داغين- نوراغين
آي سرين بولاقلي ((عئينالي)) م منيم
ديرماشيب چيخديقجا((ايلان اوچان))ي
توكنمز بير سئوينج آلير انساني
آرخاندا گورورم((هيللي))ني، ((دند)) ي
آي باللي قايماقلي ((عئينالي)) م منيم
((آجي)) دان چيخاندا ((پلنگ دره)) يه
ائله بيل چيخيرسان ((قيزيل بره)) يه
((ساري
چشمه)) باتيب گئتدي نه ره يه
آي قافلان ياتاقلي ((عئينالي))م منيم
((گوي
بورون)) سويوندا چيمن داغچيلار
يويونا- يويونا دينجيني آلار
بيريسي
اوخويار بيري ساز چالار
آي دوستلو قوناقلي ((عئينالي)) م منيم
او گون
كي قول آچدي((داش دربند)) منه
منده كونول آچديم((داش كسن)) ينه
وورولدوم، وورولدوم گوزه لليگينه
آي چيچك قوجاقلي((عئينالي)) م منيم
در ها
در درديكجه كهليك اوتونو
چوخ چكيب يال- ياماج ((ونيار)) ا مني
((چايلي)) فرحلنير گوردوكجه سني
آي ايگيد قوچاقلي ((عئينالي)) م منيم
*پرانتز
ايچينده گلن كلمه لر، يئر آديديلار.
صمد چايلي
|
