|
دانسان- دانارام
ديلين دانيشيرسا ميللي بيرليكدن
ائللر آراسيندا اود قالاييرسان
لور، گيلك، كورد، توركو لاغا قويماقلا
موقدس وطني پارچالاييرسان
وطنده قارداشليق، بيرليك ايسته ين
آجيليق توره تمز، ايكي ليك سالماز
آتالار دئميشكن: قيليج ياراسي
بيتر، ديل ياراسي امما ساغالماز
بونو مندن ائشيت، سن، من اولماسان
من
چيخيب اوزومدن، سن اولانمارام
منيم قازانيمدا سن قايناماسان
من
سنين آشينا دن اولانمارام
مني اوزلويومدن آييران بيلك
حسرت قانداليندا سيخيلاجاقدير
وارليغيم گولونو يولان قارا يئل
داغلارا توخونوب ييخيلاجاقدير
گوزوندن گورونور كونلونده نه وار
داها ((گونئيلي)) ني آلدادانمازسان
آغي ايچيرتمكله قاپي- قونشويا
اوتوروب ائوينده بال دادانمازسان
حسين گونئيلي
|
