|
بو خلقين
طاماحي اولماييب اوزگه واريندا
ازلدن گوزلري توخدو بو خلقين
قدرتي، غيرتي، شهرتي، شاني
دوشمنين گوزونه اوخدو بو خلقين
سانكي گويدن ياغير غمي- كدري
داغلار چكه بيلمز بو دردسري
قيزيلي، ثروتي ايللردن بري
اوزگه لر جيبينه آخدي بو خلقين
سوزومو بيلمه يين نه بهتان نه شر
شاهددير هر ايشه يارانان بشر
هاردا طوفان قوپوب، اولدوسا محشر
شيمشك لر باشيندا، چاخدي بو خلقين
حقي دانيشماغا آليش بير ته هر
بويالي تعريف لر سويله مه، يئته ر
عزراييلدن قاباق دوشمندن بتر
رشوت آخيرينا چيخدي بو خلقين
عومورلوك سونمزدي گوزونه قالسا
اينجي دي گوهر دي سوزونه قالسا
اوزونون قازانجي اوزونه قالسا
قيزيلدان اولاردي تختي بو خلقين
حقينده گور نه لر دئييلمه ييبدير
قاپيسي نئچه يول دويولمه ييبدير
نه قدر روسلارا اييلمه ييبدير؟
بيل كي مصيبتي چوخدو بو خلقين
((كرم)) سوزلريني سويله آشكار
عارف لر آنلايار، دويانلار دويار
دونيادا نه دئسن بو توپراغدا وار
تك بيرجه صاحبي يوخدو بو خلقين
كرم كورقيراقلي
|
