چوخ آشمايين آرا داغلار

اونلارين كي اوركلرين درد سيخيب

اوجا قامتلرين غم اييب ييخيب

آراندا داريخيب، داغلارا چيخيب

     آرخالانيب سنه داغلار

     قوچاقلارا ننه داغلار

آنالار تك بسله يرسن كوراوغلولار

قوينوندا سن

سسلييه نه سس وئررسن- هوسله نيب جينگيلده سن

      داشقين چايلارين بولاغي

      سورو جيرانلار اولاغي

قارلار شپه ووروب ياتار

قايالار باش باشا چاتار

كيم اولكه سين ائلين آتار؟

     قاچان گئدر هارا داغلار؟

     آي سينه سي يارا داغلار

     چوخ آشمايين آرا داغلار

دردلي لره همدم اولان

قلبي آجيغيلان دولان

ياتانلارا سويله اويان

      چاغير دورسون اوزون داغلار

      جانيم داغلار، گوزوم داغلار

      دئه كي واردير سوزوم داغلار

پاشالارين جانين آلان

ظاليملارا تالان سالان

مردليكده ثابت قالان

ايگيدلر سنده بسله نيب

شبهه لر سنده سسله نيب

ائشيتميشه م ساوالاني

قايناييب جوشارميش قاني

باشدان اسكيلمز دوماني

شهرتي دوتموش هر ياني

سويله او غيرتين هاني؟

نيه دا اود پارلاميرسان؟

داغ باسيرلار آنلاميرسان؟

چاغير سهنديده گله

وئرين اتكدن ال- اله

اولكه لره سال ولوله

او طرفدن قارا داغلار

چوخ آشمايين آرا داغلار

 شهرك ميرزا