|
آنا
اي خاقاني,بو دنيادا هر زمان
آنان وئرميش زحمتيله سنه جان
سو,چوره يين قيت اولسادا آتمادين,-
يوردون اولدو بو عذابلي , دار شروان
هئچ بير كسه سن اولمادين طفيلي
كومك آلدين آللاهدان وآنادان
سن اوتوردون كولگه كيمي آنانين
چهره سينين كولگه سينده آن به آن
اي آق قارتال! نه وقته دك اولاجاق
آنا يوردو وجودونا آشيان؟
نه وقته دك,عيسي كيمي آتاسيز
آنا ايله تانيسينلار سني؟ قان!
بير دفعه ده خضر كيمي يوخا چيخ
بسدير اولدون آنانلا همخانمان!
سن قيمتلي بير درسن, ندندير
اولدون آنا آستاناسيندا پنهان؟
سن عقللي اولادسانسا ديله گل
آنا كيمي اوزونو دانلا بير آن
هر نه ائتسن آنا حقين اونوتما
بيل,آناندير سنه ائده ن جان قربان
بو آنانين خاطرينه, دشمنده ن
گلن درده دوزوب, سن اول مهربان
قورخ اوگونده ن, بير گون سني تك قويوب
ابديليك آنان كوچر دنيادان
خاقاني
|
