آماندير...
بولبول دئيه، چوخو آلير بايقوشو
چيچکلريم، آچيلمايين آماندير!
چوخو
هله سئچه بيلمير ياي- قيشي
چيچکلريم آچيلمايين آماندير!
داغ
باشيندا گئنه چن وار، دومان وار
هله
سويوق- شاختادان پاي اومان وار
ائله
بيل کي آچيلاني يومان وار
چيچکلريم آچيلمايين آماندير!
قار-
قيرووون، قيشين يامان اوزو وار
ياماجلارين هله سال- سال بوزو وار
آچيلماغا سيزه کيمي يوزو وار
چيچکلريم آچيلمايين آماندير!
بو
دگيرمان دن آرايير اويوده
گورن
يوخدور قورد توتدوغون بويوده
قولاق
وئرين بو وئرديگيم اويوده
چيچکلريم آچيلمايين آماندير!
قار
شپه سي هله توکمور گوز ياشي
آغ
پاپاقدان هله چيخمير داغ باشي
يالقيزاق دک کولک گزير داغ- داشي
چيچکلريم آچيلمايين آماندير!
حسين گونئيلي
|
